Афтæмæй зæрдæхæлар адæм се ххуысы хай хæссынц фæкæсынхъуаг бинонтæн
Кæрæдзийæн æххуыс кæныны Æппæтуæрæсеон акци «Мах стæм иумæ»» æххæст кæнгæйæ, Дзæуджыхъæуы дарддæр цæуы хæрзаудæн куыст. Афтæмæй зæрдæхæлар адæм се ххуысы хай хæссынц фæкæсынхъуаг бинонтæн. Пандемияйы райдианæй сæрмагонд бокстæ сæвæрдтой нæ базарадон хызтæй иуы супермаркетты. Куыддæр «Хæлардзинады чыргъæд» байдзаг вæййы, афтæ дзы скæнынц алыхуызон продукттæй набортæ. Æппæтуæрæсеон адæмон фронты уæнгтæ сæ бахæццæ кæнынц, сæ организацийы курдиат чи ныууагъта, уыцы адристæм гæсгæ. Ацы хатт æхсæнадон кусджытæ баххуыс кодтой ноджыдæр дыууæ бинонтæн. Уæвгæ та акцийы бацархайыны фадат ис алкæмæн дæр. Уый тыххæй хъæуы, тагъд чи нæ хæлы, ахæм продукттæ балхæнын, æмæ сæ «Хæлардзинады чыргъæды» ныууадзын.
