Дипломат йæ цардæй ахицæн Мæскуыйы йæ 76-æм азы
Æртыццæджы, Дзæуджыхъæуы фæстаг фæндараст зæгъдзысты Уæрæсейы фыццаг минæвар Хуссар Ирыстоны Къарджиаты Эльбрусæн. Дипломат йæ цардæй ахицæн Мæскуыйы йæ 76-æм азы. Къарджиаты Эльбрус каст фæцис Цæгат Кавказы хæххон-металлургон институт, стæй Советон Цæдисы комунистон партийы центрон комитеты цур арæзт æхсæнадон наукæты Академи. Хæххон-металлургон институт каст куы фæцис, уæд дзы бакуыста ахуыргæнæгæй, деканы хæдивæгæй, уыд декан æмæ проректор дæр. Уыд ма Цæгат Ирыстоны автономон республикæйы адæмон ахуырады министр, уый фæстæ та республикæйы министрты Советы сæрдары хæдивæг. 1994-æм азæй куыста Уæрæсейы Федерацийы фæсарæйнаг хъуыддæгты. Алы азты уыд Уæрæсейы генералон консул Трабзоны, Уæрæсейы минæвар æмæ уынаффæгæнæг Турчы. 2007-æм азæй 2008-æм азмæ Уæрæсейы мидхъуыддæгты министрады хæдбар паддзахæдты æмхæларады 4-æм департаменты сæйраг уынаффæгæнæг, уым йæ бæрны уыдысты Абхази, Азербайджан, Сомих, Гуырдзы æмæ Хуссар Ирыстон. Хуссар Ирыстон хæдбар республикæйыл нымад куы æрцыд, уæд Къарджиаты Эльбрус сси фыццг уæрæсейаг минæвар. Йæ бирæ хæрзиуджыты хсæн сты Хæлардзинады Орден, Кады, стæй Хуссар Ирыстоны хæлардзинады Ордентæ.
