200 бынаты кæм ис, уыцы залы се ппæт нæ бацыдысты
Дзæуджыхъæуы Кинойы Хæдзары уыд цымыдисаг рок-концерт. 200 бынаты кæм ис, уыцы залы се ппæт нæ бацыдысты. Концерты сæ арæхстдзинад равдыстой цæгатирыстойнаг æртæ къорды, æмæ ма иу музыкантты къорд Налцыккæй. Бирæтæн музыкæйы зæлтæм хъусгæйæ, æнцад бадын сæ бон нæ баци, æмæ рацыдысты сценæйы размæ. Æхсызгон ма уый уыди, æмæ артисттæ зарыдысты уырыссагау, англисагау æмæ иронау. Концертмæ хуынд æрцыдысты скъоладзаутæ, студенттæ, стæй хистæр кары адæм дæр. Иуæй-иутæ æрбацыдысты æнæхъæн бинонтæй, уыимæ гыццыл сывæллæттимæ дæр. Стыр горæтты чи цæры, уыдонмæ Дзæуджыхъæу, чи зоны, æмæ фæкæса æгæр сабыр бынат. фæлæ уый афтæ нæу. Уымæн æмæ нæм ис бирæ курдиатджын фæсивæд. Æмæ кæд иутæ не мбарынц ацы музыкалон стиль, уæд æй иннæтæ та тынг уарзынц. Фыссынц зарджытæ, дæттынц концерттæ, иу ныхасæй уарзынц рок. Афтæмæй рок-н-рол цæры.
