филиал вгтрк государственная телерадиовещательная компания “Алания”

Дзæуджыхъæуы музыкалон библиотекæйы байгом Уататы Аннæйы куклаты равдыст. Нывгæнæджы къухы бафтыди, зæгъæн ис, хи къухтæй куклаты дуне саразын. Алы куклайы дæр дзы бауагъта йæ уды хъарм æмæ йын ис хицæн сурæт. Аннæ йæ куыст уарзы зæрдæйæ, æмæ йыл архайы йæхиуыл æнауæрдгæйæ. Уый фæзынди цы куклатæ аразы, уыдоныл дæр. Цымыдисаг уый у, æмæ автор знæт сурæттæ никуы фæаразы. Уый фенæн ис равдысты дæр. Иууылдæр куклатæ сты худындзаст. Банкъарæн дзы ис сыгъдæг æмæ фæлмæн удыхъæды миниуджытæ. Зæгъын хъæуы уый, æмæ Аннæйы куклатæ æрмæст рæсугъд хъазæнтæ не сты, фæлæ аивадон уацмыстæ. Æвдисы сæ йæ хъæздæг миддуне.