филиал вгтрк государственная телерадиовещательная компания “Алания”

Дзæуджыхъæуы цæуы зындгонд физик-ядерщик Татраты Тасолтаны номарæн турнир шахмæттæй. Ерыстæ бацæттæ кодта республикæйы ветеранты Совет. Ахуыргонды царды хабæрттæ иртæстгонд æрцыдысты, зæгъæн ис, æрæджы. Нырмæ йæ автобиографи нымад уыди сусæггагыл. Информацийы фылдæр хай ныр дæр парахатгонд нæ цæуы. 50-йæм азты зындгонд ахуыргонд куыста Советон Цæдисы æфсæддон заводтæй иуы. Архайдта Челябинскы радиацион заводы аварийы фæстиуджытæ иуварс кæныны. Татраты Тасолтан йæ цард æнгом сбаста наукæимæ, фæлæ ма уарзта шахмæттæй хъазын дæр. Физик-ядерщикы номыл турнир цæуы ныр 4-æм аз. Йæ саразынæн баххуыс кæны Татраты мыггаг.