Уарзиты Вилены куыстытæ та йын æрæмбырд кодтой Кочиты Елизаветæ æмæ Андрей Донченко
Цæгат Ирыстоны гуманитарон æмæ социологон иртæстыты институты уыд зындгонд историк æмæ этнолог Уарзиаты Вилены æвзæрст куыстыты презентаци. Чиныг у 2-томон. Ахуыргонд йæ цардæй ахицæн 1995-æм азы. Уарзиаты Вилен йæ рæстæджы иттæг хорз бæрæггæнæнтимæ каст фæцис Хетæгкаты Къостайы номыл университеты историон факультет, уый фæстæ та Советон Цæдисы наукæты академийы этнографийы институты аспирантурæ. Куыста Цæгат Ирыстоны наукон иртасæн институты, археологи æмæ этнографийы хистæр наукон ахуыргондæй. Куыста Уæрæсейы истори æмæ Кавказ иртасæн кафедрæйы дæр. Уыд Уæрæсейы наукæты Академийы стипендиат. Вилены стыр æнтыстдзинæдты тыххæй радзырдтой презентацийы рæстæг. Равдыстой дзы режиссер Рафаэль Гаспарянцы ист цыбыр документалон киноныв. Уарзиты Вилены куыстытæ та йын æрæмбырд кодтой Кочиты Елизаветæ æмæ Андрей Донченко. Ног рауагъдмæ бахастой ирон æвзагыл фыст уацтæ дæр. Æмбырдгонд рухс федта меценат, Уæрæсейы Федерацийы æхсæнадон палатæйы уæнг Лæгкуты Вячеславы спонсорон æххуысæй.
