Фыццаджыдæр федтой Терчы былгæроны уавæр
Вице-премьер Фадзайты Æхсарбег, цæрæнуæты-коммуналон хæдзарады, артаджы æмæ энергетикæйы министр Таматы Майрæн, Стæй Дзæуджыхъæуы администрацийы аивдзинады æмæ цъæх фæлысты Управленийы хицау Бицъоты Сослан инспекцион балц скодтой, цалцæггæнæн куыстытæ кæм цæуынц, Дзæуджыхъæуы уыцы егъау объекттыл. Фыццаджыдæр федтой Терчы былгæроны уавæр. Объекты ивынц асфальт. Рацарæзтой асин, 280 квадратон метры сæвæрдтой къæйдуртæ. Куыстытæ фæуынмæ хъавынц фæзæгмæ. Кæронмæ фæхæццæ кæнынц Московскийы уынджы къахвæндаджы аивгæнæн куыстытæ дæр. Ам 600 метры уаццагыл сæвæрдтой ног асфальт æмæ нырыккон рухсгæнæнтæ. Федералон проект «Горæты æнцонвадат архайд» æххæст кæнгæйæ, ацы аз нæ республикæйы базылдысты 39 æхсæнадон æмæ 152 хæдзæртты кæртыты территоримæ. Программæйы архайынц республикæйы æппæт районтæ. Бæрнон кусджытæ ма федтой хæдзæртты кæртыты æмæ æхсæнадон территориты уавæр дæр.
