Фылдæр се рогм здæхтой, шофыртæ маскæтæй æмæ æдасдзинады æндæр фæрæзтæй пайда кæнынц, æви нæ, уый
Цæгат Ирыстоны дæр коронавирусы инфекцийæ рынчынты нымæц кæй рæзы, уымæ гæсгæ бæстондæр цæстдард цæуы, бирæ адæм кæм æмбырд кæнынц, ахæм бынæтты санитарон домæнтæ куыд æххæстгонд цæуынц, уымæ. Уыдон та сты дуканитæ, базарадон центртæ, фæлладуадзæн базæтæ æмæ, кæй зæгъын æй хъæуы, æхсæнадон транспорт. Машинæты салонты социалон дистанци æххæст кæнæн нæй, уымæ гæсгæ инфекцийыл фæхæст уæвын бирæ тæссагдæр у. Цæстдарæн ведомствоты специалисттæ та радон хатт рацыдысты рейды, шофырты æмæ бæлццæтты зæрдыл æрлæууын кодтой, профилактикон мадзæлттæ æххæст кæнын куыд ахсджиаг у, уый. Джыбызты Зæринæ радзурдзæн бæлвырддæр.
Æрвылбоны рейдтæ æмæ профилактикон мадзæлттæ. Фæлхасадмæ цæстдарды управленийы, транспорты министрады æмæ фæндæгтыл æдасæй цæуыны паддзахадон инспекцийы кусджытæ горæты цалдæр бынаты скодтой бæрæггæнæн мадзæлттæ. Фылдæр се рогм здæхтой, шофыртæ маскæтæй æмæ æдасдзинады æндæр фæрæзтæй пайда кæнынц, æви нæ, уый. Куыд зонæм, афтæмæй фæстаг рæстæг коронавирусæй рынчынты нымæц ногæй кæны парахатдæр, уымæ гæсгæ, æнæмæнг хъæуы хи хъахъхъæныны домæнтæ æххæст кæнын.
Салоны ис санитайзер, шофырмæ маскæтæ, радты сæ кæмæ нæ разыны, ахæм бæлццæттæн. Фæлæ вæййы, маскæтæй пайда кæнын цæхгæр кæй нæ фæфæнды, ахæмтæ дæр, – зæгъынц шофыртæ.
Æхсæнадон транспортæй чи пайда кæны, уыдонæй бирæтæ сæхи фенкъарынц æдасдæрæй, сæ алыварс адæм фæлхасадмæ цæстдарды управленийы домæнтæ куы феххæст кæнынц, уæд.
Эксперттæ ма ноджыдæр иу хатт зæрдыл лæууын кæнынц. Æдасдзинады фæрæзтæй чи нæ пайда кæны, уыцы адæм сæхи дæр æмæ иннæты дæр æвæрынц тæссаг бынаты. Инфекцийæ хи бахъахъхъæныны тыххæй алы адæймаг дæр йæхиуыл хъуамæ æнкъара бæрнондзинад. Транспортон компаниты хицæуттимæ фембæлд республикæйы промышленносты æмæ транспорты министры хæдивæг. Куыд загъта, афтæмæй амалхъом адæм цæттæ сты æдасдзинады домæнтæ æххæст кæнынмæ.
Бæрнон кусæг куыд загъта, афтæмæй апрелæй фæстæмæ нæ республиæйы кусы сæрмагонд къамис. Уый йæ цæст дары æхсæнадон транспорты куыстмæ. Æмæ ныр ногæй йæ архайд фæахадгæдæр. Рейдтæ арæзт цæудзысты дарддæр дæр.
