Ныртæккæ куыстытæ цæуынц фæндаг Архонкæ – БМК – Хуымæллæг – «Кавказ», -ыл
Фæндæгты уавæрмæ уæлдай ахсджиагдæр у ног ахуыры азы агъоммæ æркæсын. Ныртæккæ куыстытæ цæуынц фæндаг Архонкæ – БМК – Хуымæллæг – «Кавказ», -ыл. Уый цæуы Хуымæллæджы скъолайы рæзты. Куыстытæ кæнынц æнæххæстбарджын æхсæнад «Ирдорстрой»-ы специалисттæ. Асфальты хæрзхъæддзинадмæ та бæстон цæстдард цæуы арæзтады хæрзхъæддзинады лабораторийы рдыгæй.Æппæт куыстытæ дзуапп дæттынц ног национ стандарттæн.
Национ проект «Æдас æмæ хæрзхъæд автомобилон фæндæгтæ» æххæст кæнгæйæ, ацы аз нæ республикæйы сцалцæг кодтой цалдæр уынджы æмæ фæндаджы. Сæ фылдæр цæуынц сывæллæтты рæвдауæндæтты, скъолаты, колледжты æмæ уæлдæр ахуыргæнæндæтты раз. Фæндаггон кусджытæ бакодтой алцыдæр, цæмæй ног ахуыры азы райдиан æппæт фæндæгтæ суой æдас æмæ æнцонвадат скъоладзаутæн æмæ студенттæн. Цалцæггонд уаццæгтыл ма базылдысты къахвæндæгтæм дæр. Сæвæрдтой дзы фæндаггон нысантæ. Ныртæккæ куыстытæ цæуынц фæндаг Архонкæ – БМК – Хуымæллæг – «Кавказ», -ыл. Уый цæуы Хуымæллæджы скъолайы рæзты. Куыстытæ кæнынц æнæххæстбарджын æхсæнад «Ирдорстрой»-ы специалисттæ. Разымынд ын дæтты фæлтæрдджын фæндаггон кусæг Дзодзиаты Тамерлан. Ацы къабазы удæлдой фæллой кæны 40 азы.
Ацы фæндаджы дæргъ у иу километр æмæ 300 метры. Йæ раздæры зæронд уæлцъар ын систой, йæ бындур ын фæфидардæр кодтой. Йæ алывæрсты та йын сæвæрдтой бордюртæ аразæн дуртæ. Фæндагæн йæхиуыл та скъоламæ хæстæг скодтой къуыбыртæ, æмæ дзы сæвæрдтой ног фæндаггон нысантæ. Цæмæй шофыртæ ацы ран тагъд ма цæуой, уый тыххæй. Асфальты хæрзхъæддзинадмæ бæстон цæстдард цæуы арæзтады хæрзхъæддзинады лабораторийы специалистты рдыгæй.
Ныртæккæ ма фæллойгæнджыты хъæуы фæндаджы былгæрæттæ бафидар кæнын. Сæрмагонд нысантæ та дзы æвæрынц æнæххæстбарджын æхсæнад «Стройинновация»-йы кусджытæ. Зæгъдзыстæм ма уый дæр, æмæ æппæт куыстытæ дзуапп дæттынц ног национ стандарттæн. Стæй ма иу ахсджиаг хъуыддаг – фæндаг эксплуатацийы радтой æмгъуыдæй 3 мæйы раздæр. Афтæмæй æхсызгон лæвар ракодтой скъоладзаутæн ног ахуыры азмæ.
