Цæгат Кавказы хæххон металлургон институты студенттæ абалц кодтой экскурсийы, нæ республикæйы историон æмæ зæрдылдарæн бынæттæ феныны тыххæй
Арæх фæсарæйнаг бæстæты минæвæрттæ Цæгат Ирыстонмæ ссæуынц уæлдæр ахуырад райсынмæ. Фæлæ уыимæ бирæты бафæнды нæ истори, культурæ æмæ æгъдæуттæ базонын дæр. Паддзахадон программæ æххæст кæнгæйæ, æрыгон адæмимæ цæуы бæстон куыст. Профилактикон мадзæлтты фæрцы адæмты хсæн парахат кæнынц хæлар ахастдзинæдтæ. Нæ уацхæссæг Гæджиты Сослан радзурдзæн бæстондæр.
Конде Диниш Ирыстонмæ ссыди Анголæйæ. У Цæгат Кавказы хæххон металлургон институты студент. Дзæуджыхъæумæ цалынмæ не ссыди, уæдмæ нæ республикæйы тыххæй, æмæ Уæрæсейы тыххæй дæр, зæгъæн ис, æмæ ницы зыдта. Ныртæккæ та йæ дисы фтауы алцыдæр. Уæлдай тынгдæр йе ргом аздæхта Фыдыбæстæйы Стыр хæсты историмæ. Гæздæнты авд æфсымæры хъысмæт ын йæ зæрдæ сæнкуъысын кодта.
Цориты Шеймæ Мераль та нæ республикæмæ ссыди Туркæй. Уый дæр хуыздæр базонын фæнды йæ рагфыдæлты истори.
Цæгат Кавказы хæххон металлургон институты студенттæ абалц кодтой экскурсийы, нæ республикæйы историон æмæ зæрдылдарæн бынæттæ феныны тыххæй. Дисы сæ бафтыдта Дзæуджыхъæуы ивгъуыды æмæ нырыккон архитектурæ. Стыр æргом здахынц хæлар ахастдзинæдтæ парахат кæнынмæ.
Ацы экскурсимæ фæсарæйнаг студенттæ рагæй æнхъæлмæ кастысты. Æмæ канд туристты хуызæн нæ, фæлæ сæ ам цæрын æмæ ахуыр кæнын кæй хъæуы, уымæ гæсгæ. Афтæмæй хуыздæр базондзысты Дзæуджыхъæуы, æмæ Цæгат Ирыстоны ирддæр бынæттæ. Базонгæ ма уыдзысты ирон адæмы национ традицитимæ æмæ историимæ.
