Азы кæрон цæмæй раппæлой ахæм бæрæггæнæнтæ дæр сæм ис
Азы кæрон алчидæр скæны хатдзæгтæ йæ цардæн, йæ куыстæн. Ацы аз, пандемийæмæ гæсгæ, æнахуырдæр уавæрты сæ рæстæг æрвитгæ рауад ахуырады къабазы кусджытæн дæр. Скъолатæ, рæвдауæндæндтæ дардмæ кусгæйæ архайдтой сæ ахуырдзаутимæ æмæ хъомылгæнынæгтимæ.
Фæстаг рæстæг Дыгуры районы скъолатæ æмæ рæвдауæндæттæ сæ куыст хастой фæткмæ гæсгæ. Азы кæрон цæмæй раппæлой ахæм бæрæггæнæнтæ дæр сæм ис. Кæд аз æнцондæртæй нæ уыд, уæддæр сæ архайды бæрæггæнтæй сты разы.
Фæстаг азты хорздзинæдтæй чи фæхайджыын, уый у Дыгуры район дæр. Йæ радон рейды рæстæг Дигорай дыккæгæм скъола бабæрæг кодта республикæйы Хицауады сæрдар Тускъаты Таймураз. Федта «Точка роста» кæй хонын, уыцы къæбинетты уавæртæ, базыдта куыд кусынц, уый.
Æппæт ацы мадзæлтты фæрцы районты цæрæг сабитæн фæци фылдæр гæнæнтæ сæ арæхстдзинæдтæ раргом кæнынæн, Чи зоны æмæ сын баххуыс уыдзысты сæ фидæны дæсныйад равзарынæн.
Уæвгæ Дыгуры районы ацы мадзæлттæй пайда кæныны бар ис канд Дигорайы цæрджыты нæ, фæлæ æппæт районы минæвæрттæн дæр. Адæмы æнцондзинадæн дзы фадат ис «Точкæ Ростæ»-йы центртæм цыппар ранмæ цæуынæн. Уыдонæй дыууæ сты хъæуты дыууæ та Дигорайы скъолаты.
