29 июня 2020, 16:10
Фæстаг суткæмæ Цæгат Ирыстоны инфекци рабæрæг кодтой 22 адæймагмæ
Афтæмæй абон райсомы 8 сахатмæ нæ республикæйы раиртæстой 4006 рынчыны
Коронавирусы уавæры тыххæй ацы бонмæ. Фæстаг суткæмæ Цæгат Ирыстоны инфекци рабæрæг кодтой 22 адæймагмæ. Афтæмæй абон райсомы 8 сахатмæ нæ республикæйы раиртæстой 4006 рынчыны. Ахæм бæрæггæнæнтæ фехъусын кодта Уæрæсейы фæлхасадмæ цæстдарды цæгатирыстойнаг Управлени.
Æдæппæтæй 29-æм июньмæ нæ республикæйы коронавирусы инфекцийæ сæхи амбулаторон уагæй дзæбæх кæнынц 434 адæймаджы, 9 сты рынчындæтты, 3496 адæймаджы сдзæбæх сты, 67-æй амардысты. Хи изоляцийы фæткы медицинон цæстдард цæуы 442 адæймагмæ. Дохтыртæ дарддæр сидынц республикæйы цæрджытæм, цæмæй æнæмæнг æххæст кæной æдасдзинады домæнтæ, хъахъхъæной сæхи æмæ сæ хæстæджыты.
