Системæйы куысты сусæгдзинæдты тыххæй радзырдтой рæзгæ фæлтæрæн
Фидæнмæ уæндон къахдзæф. Дзæуджыхъæуы сывæллæтты технопарк кванториумы презентаци скодтой системæ «Умный дом»-æн. Стенды кусæнгæрзтæ сын балæвар кодта нымæцон партнер «Ростелеком». Технопарк компаниимæ æмгуыстад кæны афæдзæй фылдæр. Системæйы куысты сусæгдзинæдты тыххæй радзырдтой рæзгæ фæлтæрæн. Архайдтой практикæйы хуызы дæр. Технопарчы хъомылгæнинæгтæн фадат уыди программæй кусынæн. Уый сын фадат радта сæ зонындзинæдтæ фæфылдæр кæнынæн.
Проект «Умный дом»-ыл фыццаг хатт бакуыстой 70-æм азты. Абон парахат кæны æппæт дунейы дæр. Уæрæсейы ацы программæйæ активонæй пайда кæнынц «Ростелеком»-ы. Стенд Кванториумы æвзонг хъомылгæнинæгтæн уыдзæни цæстуынгæ æрмæджы хуызæн. Йæ дæнцæгмæ гæсгæ, фидæны сæ бон уыдзæни сæхи проекттæ кæнын. Сыæллæттæн балæвар кодтой интернетæй пайда кæныны æдасдзинады зæрдылдарæнтæ дæр.
