Æдæппæтæй бабæрæг кæндзысты республикæйы 450 бинонты
Сæвзæрд уавæры кæрæдзийы фарсмæ балæууын, æмæ баххуыс кæнын. ФК «Алани»-йы уæнгтæ бацæттæ кодтой хæрзаудæн акци. Фæкæсынхъуаг адæмæн ласынц продукттæ, кæмæндæрты баххуыс кодтой æхцайы фæрæзтæй дæр. Ахæм акци ма цæудзæни цалдæр боны. Æдæппæтæй бабæрæг кæндзысты республикæйы 450 бинонты. Сæ арфæйаг хъуыддагæн сын æвдисæн уыди не сфæлдыстадон къорд дæр.
Республикæйы сæвзæрд уавæры тæххæй сæ пурти иуварс æрæвæрдтой æмæ æрлæууыдысты зæрдæхæлардзинады фæндагыл. ФК Алани материалон æххуыс кæны фæкæсынхъуаг адæмæн. Ахæм акци æххæстгонд цæудзæни нырма цалдæр боны. «Алани» республикæйы районты бабæрæг кæндзæни 450 хæдзары. Æххуысхъуаг адæмы номхыгъд сын бацæттæ кодтой бынæттон хицаудзинады оргæнтæ. Се хсæн, бирæсывæллонджын, æмæ æгуыстæй чи баззади, ахæм бинонтæ.
Бинонтæ ацы фæрæзтæ бахардз кæндзысты æрмæстдæр сæ сывæллæттыл.
Алагиры цæрæг Биазырты Иринæйы бинонты ис 8 сывæллоны. Ахæм æххуысыл сæмбæлд æхсызгонæй.
Клубы куыд зæгъынц, афтæмæй продукттæй уæлдай, цæрджытæн хъæуы æхцайæ дæр баххуыс кæнын. Ацы хъæппæрис йæхимæ райста клубы Президент Гуыриаты Владимир
Футболисттæ ахæм акцийы архайынц зæрдиагæй. Æрдæгхъахъхъæнæг Саулохты Давид раргом кодта йе нкъарæнтæ.
Командæйы уæнг Ростислав Солдатенкойы хъуыдымæ гæсгæ, адæмæн баххуыс кæнын хъæуы кæдфæндыдæр.
Футболон клубы хъæппæрис бирæтæн у дæнцæгæн райсинаг. Ахæм уавæры адæмы нкъарæнтæ уынынæн аргъ нæй. Æрмæстæд кæрæдзийæн æххуысгæнгæйæ рацæудзыстæм ацы зын уавæрæй.
