Йæ ныхмæлæууæг уыддзæнис командæ «Краснодар-3»
Футболон клуб «Алани»-йæн сабаты уыдзæн йæ фыццаг хъазт ацы сезоны, архайдзæнис профессионалон футболы лигæйы хуссайраг къорды. Йæ ныхмæлæууæг уыддзæнис командæ «Краснодар-3». Уæ зæрдыл уын æрлæууын кæндзыстæм: зымæджы фæллад уадзынмæ «Алани» ацыдис уæлахизты егъау номхыгъдимæ æмæ турнирон хыгъды бацахста дыккаг бынат. Ацы матчмæ билеттæ балхæнæн уыдзæнис интернеты фæрцы. Клубы тыххæй бæлвырддæр радзурдзæн Хъайтыхъты Фатимæ.
Футболон клуб «Алани»-йæн кæронмæ фæхæццæ кæны йæ цæттæгæнæн рæстæг профессионалон футболон лигæ зонæ «Юг»-ы дыккаг зылды размæ. Фыццаг зылды футболисттæ, Гогниты Спартакы разамындæй бакуыстой цыппор æртæ очкойы, æмæ сты дыккаг позицийыл. Астраханы командæ «Волгарь» фæраздæр ис цыппар очкойæ. Цæттæгæнæн рæстæджы афон æрвыст æрцыд цалдæр хъазты: командæтимæ «Зенит», «Балтикæ», «Слуцк», фæсивæдон командæ «ЦСКА» æмæ «Дордой». Хъæзтытæ иууылдæр ацыдысты туркаг горæт Сиды.
Размæбырсæг Артур Малоян куыд загъта, афтæмæй, цæттæгæнæн рæстæджы къуылымпытæ нæ уыд. Æцæг цалдæр тренировкæйы арæзт не рцыдысты, боны ахасты тыххæй. Алы хъазтмæ дæр футболисттæ цыдысты уæлахизмæ бæлгæйæ. Тренерты къорды цæстæнгасмæ гæсгæ, сырх-бурты командæ хорз æнкъарынц сæхи, сæ тыхтæ сæхимæ сты футболисттæн. Сабаты цы хъазт уыдзæн, уымæ цымыдисагæй æнхъæлмæ кæсынц футболуарзджытæ.
