филиал вгтрк государственная телерадиовещательная компания “Алания”

17:18 пятница, 29 марта 2024
30 июля 2020, 13:18
Футболы академи «Алани» баххæст кодта æвзарæн конкурс

Дзæуджыхъæуы равзæрстой, 12 азæй 16 азы онг кæуыл цæуы, ахæм лæппуты

Футболы академи «Алани» баххæст кодта æвзарæн конкурс. Дзæуджыхъæуы равзæрстой, 12 азæй 16 азы онг кæуыл цæуы, ахæм лæппуты. Сæ арæхстдзинад равдыстой республикæйы районты спортивон скъолаты минæвæрттæ. Конкурсы хатдзæгтæм гæсгæ специалисттæ равзæрстой 100 адæймаджы. Академийы разамынд, физкультурæ æмæ спорты министрад æмæ республикæйы парламенты уæнгтæ фембæлдысты академийы хъомылгæнинæгтимæ æмæ сæ ныййарджытимæ. Радзырдтой сын сæ дарддæры футболон царды тыххæй. Футболисттæ ахуыр кæндзысты Дзæуджыхъæуы 7-æм скъолайы. Иннæ сывæллæттау райсдзысты æппæт предметтæй ахуырад, цæргæ та кæндзысты академийы. Къуырисæрæй сабатмæ тренировкæтæ, æххæст кæндзысты сæрмагонд режим. Фæлладуадзæн бонты лæппутæ цæудзысты сæ хæдзæрттæм. Сæ разамынд куыд зæгъы, афтæмæй фæсивæдæн конд уыдзæни æппæт уавæртæ, цух ницæмæй æййафдзысты.

vgtrk_alania
vgtrk_alania
vgtrk_alania
vgtrk_alania