Фиддонтæ нысангонд цæудзысты студенттæн, аспиранттæн æмæ æрыгон ахуыргæндтæн
Фыццæгæм августæй дыууынæм августмæ исдзысты курдиæттæ Плиты Грисы æмæ Абайты Васойы номыл стипендитæ райсынæн. Фиддонтæ нысангонд цæудзысты студенттæн, аспиранттæн æмæ æрыгон ахуыргæндтæн. Конкурс чи рамбула, уыдон æрвылмæй исдзысты улæмхасæн стипенди. Ахуырад æмæ наукæйы министр Людмилæ Башаринæ куыд загъта, афтæмæй ахæм материалон фарсхæцт ахсджиаг у фæсивæдæн, уæлдайдæр та ахуырады фыццаг къахдзæфтæ кæнгæйæ. Плиты Гришы стипенди снысан кодтой 2013 азы æмæ йæ дæттынц, наукон иртæстыты чи архайдта æмæ ирон фысджыты сфæлдыстад чи парахат кодта, уыцы студенттæн. Абайты Васойы стипенди фæзынд 2001 азы æмæ йæ нысан кæнынц ирон æвзагзонынады стыр æнтыстдзинæдтæ кæй къухы бафтыд, уыцы аспиранттæ, ахуыргæндæ æмæ студенттæн. Документты номхыгъд æмæ конкурсы домæнтæ ис фенæн республикæйы ахуырады министрады сайты. Курдиæттæ исдзысты алы æртыццæг æмæ цыппæрæмы дыууынæм августмæ
