03 июня 2019, 17:35
Фыццаг æппæтадæмон фестиваль «Кинобарс» фæци йæ куыст
Фыццаг æппæтадæмон фестиваль «Кинобарс» фæци йæ куыст. Йæ сæхгæныны кадджын мадзал уыди ирон театры сценæйы. Жюри, йæ сæргъы зындгонд режиссер Сæлбиты Аким снысан кодта уæлахиздзауты. Гран-при райста Борис Акоповы цыбыр киноныв «Рай». Жюрийы сæрмагонд приз саккаг кодтой Елена Нодельæн. Режиссер Дзæуджыхъæумæ ссыди Каннæты кинофестивалæй. Ирон аивадуарджыты размæ рахаста киноныв «Живой товар». Æдæппæтæй «Кинобарс»-ы равдыстой 19 кинолентæйы. Сæ автортæ сты – Уæрæсейæ, Тадджикистанæй, Белоруссийæ, Киргизийæ, Узбекистанæй æмæ Абхазæй. Фестиваль сæхгæныны фæлгæты ма æвдыст æрцыди Сергей Дворцевойы киноныв «Айка» дæр.
темæмæ гæсгæ
