филиал вгтрк государственная телерадиовещательная компания “Алания”

13:45 пятница, 29 марта 2024
26 августа 2020, 13:11
Фыццаг медицинон æххуыс бакæныны хæрзхъæддзинад республикæйы районты

Федералон программæ «Æнæниздзинадхъахъхъæнынад» æххæст кæнгæйæ, арæзт цæуынц фельдшерон-акушерон пункттæ

Фыццаг медицинон æххуыс бакæныны хæрзхъæддзинад республикæйы районты. Ацы хъуыддагмæ цæуы бæстон цæстдард Цæгат Ирыстоны разамынды рдыгæй. Федералон программæ «Æнæниздзинадхъахъхъæнынад» æххæст кæнгæйæ, арæзт цæуынц фельдшерон-акушерон пункттæ. Рагæй чи кусы, уыдоны та цæуы рацарæзт. Уыимæ ног кæнынц кусæнгæрзтæ, зилынц бæстыхæйттæм. Раппæлинаг хъуыддæгтæ ис Рахизфарсы районы дæр. Не сфæлдыстадон къорд бабæрæг кодта Бруты æмæ Раздзоджы медицинон пункттæ. Цавæр хатдзæгтæ скæнæн ис кусæг балцæй, уый тыххæй радзурдзæн Хъайтыхъты Фатимæ.

Цыппар азы размæ Бруты хъæуы амбулатори уыдис бынæттон скъолайы бæстыхайы. Агъуыст медицинон куыстуаты бæстыхайы домæнтæн дзуапп нæ лæвæрдта æмæ дзы æвæстиатæй хъуыдис бындурон цалцæг скæнын. Нæ дзы фаг кодтой медицинон ифтонггæрзтæ, уæдæ хъуаг æййæфтой хостæй дæр. Ног амулатори фыццаг рынчынты райста æртæ мæйы размæ.

Амбулатори иу бонмæ лæггад кæндзæн фæндзай адæймагæн. Ис дзы процедурæтæгæнæн агъуыст, боныгон стационарæн бынæттæ, УЗИ æмæ ЭКГ-йы ифтонггарзтæ æмæ ма суанг рæуджытæ кусынгæнæн аппараттæ. Ныртæккæ брутæгты бон уыдзæнис æххæст бæрцæй исын хæрзхъæд медицинон лæггæдтæ.

Ног фелшырон-акушерон пункт фæзындзæнис Раздзоджы дæр æмæ суыдзæнис Рахизфарсы районы æстæм ног медицинон объект. Куыстытæ райдыдтой июны, æмæ уал сбæрæг кодтой медицинон кусджыты къорд. Ног ФАП дзуапп дæтдзæнис æппæт нырыккон домæнтæн.

Сентябры кæронмæ ног бæстыхай цæттæ уыдзæнис фыццаг рынчынты райсынмæ.

vgtrk_alania
vgtrk_alania
vgtrk_alania
vgtrk_alania