филиал вгтрк государственная телерадиовещательная компания “Алания”

Гæздæнты Булаты номыл адæмон инструментты оркестр Ног азы агъоммæ адæмон музыкæ уарзджытæн балæвар кодта рæсугъд концерт. Уый уыд фыццаг концерт, кинотеатр «Родина»-йы бынаты цы бæстыхай сцалцæг кодтой, уый сценæйы. Сфæлдыстадон коллектив дзы æрбынат кодта ивгъуыд азы кæрон. Куымæриттаты Тенгизы разамындæй музыканттæ ацагътой ирыстойнаг композиторты уацмыстæ. Оркестримæ иумæ изæр сæ курдиатæй саив кодтой Дауыраты Эдуард, Гæбуты Жаннæ, Собиты Станислав æмæ Дулаты Дзамболат. Музыканттæн уый уыд, рагæй кæмæ æнхъæлмæ кастысты, ахæм мадзал. Зæгъдзыстæм ма уый дæр, æмæ концерт арæзт æрцыд фæлхасадмæ цæстдарды æппæт домæнтæ хынцгæйæ.