Ныхас цыди Тарскæйы æмæ Сунжæйы ног амбулаторитæ байгом кæныныл.
Горæтгæрон районы социалон-экономикон уавæрыл Битарты Вячеслав æрдзырдта муниципалон сконды сæргълæууæг Гаглойты Аланимæ.
Ныхас цыди Тарскæйы æмæ Сунжæйы ног амбулаторитæ байгом кæныныл. Гаглойты Аланы ныхæстæм гæсгæ, медицинон куыстуæттæ ифтонг сты хъæугæ кусæнгæрзтæй æмæ дзаумайæ. Иу бонмæ сæ бон лæггад кæнын уыдзæни 50 æмæ 100 адæймагæн. Районы сæргълæууæг ма куыд фехъусын кодта, афтæмæй ма амбулатори саразын нысан кæнынц Майскæйы дæр, стæй Куырттаты та фельдшерон-акушерон пункт. Фембæлды æрдзырдтой Ир æмæ Дачнæйы рæвдауæндæтты арæзтадыл дæр. Сабитæн сæ дуæрттæ байгом кæндзысты ацы сæрды. Æмæ ма иу хъуыддаг – Черменыхъæуы скъолайы арæзтад. Социалон объектæн ныридæгæн радих кодтой бынат.