филиал вгтрк государственная телерадиовещательная компания “Алания”

22:22 четверг, 28 марта 2024
27 января 2020, 12:51
Хæдарцаты Асланы номыл уæгъдибар хъæбысхæсты академи цæттæ кæны йæ гæнæнтæ фæуæрæхдæр кæнынмæ

Битарты Вячеслав æмæ Хæдарцаты Махарбег аргъ скодтой академийы уавæртæн, арæзтадон куыстытæн

Дзаумæттæ ивæн ног бæстыхай, спортивон залтæ, бассейн æмæ теннисæй хъазæн корт. Хæдарцаты Асланы номыл уæгъдибар хъæбысхæсты академи цæттæ кæны йæ гæнæнтæ фæуæрæхдæр кæнынмæ. Ацы бонты йын бацæттæ кодтой проект. Афæдзы кæронмæ арæзт æрцæудзæн æнæхъæн спортивон комплекс. Ахæм фадат фæци республикæйы Сæргълæууæджы æххуысы фæрцы. Академийæн радих кодтой зæххы хай, æмæ дзы куыстытæ цæуынц фаронæй фæстæмæ. Академийы разамынд уæгъдибар хъæбысхæстæй дарддæр фæнд кæны  ахæм спорты хуызтæ парахат кæнын, куыд: теннис, фат æмæ рдынæй æхсын, ленк кæнын æмæ мини-футбол. Арæзт ма æрцæудзæн ног фысымуæтты комплекс. Уый фадат ратдзæн æппæтадæмон ерыстæ аразынæн дæр. Битарты Вячеслав æмæ Хæдарцаты Махарбег аргъ скодтой академийы уавæртæн, арæзтадон куыстытæн. Федтой, спортсментæ тренировкæтæ куыд кæнынц, уый дæр.

vgtrk_alania
vgtrk_alania
vgtrk_alania
vgtrk_alania