Проект хъуамæ хорз баххуыс кæна, хæххон районты чи кусы, ахæм хъæууонхæдзарадон куыстуæттæн, райдайгæ фермертæн æмæ амалхъом адæмæн
Хæххон территориты рæзты программæ ныртæккæ нæ республикæйы нымад у ахсджиагдæртæй иуыл. Битарты Вячеславы амындмæ гæсгæ йыл бакуыста Цæгат Ирыстоны райрæзты Агентад. Проект хъуамæ хорз баххуыс кæна, хæххон районты чи кусы, ахæм хъæууонхæдзарадон куыстуæттæн, райдайгæ фермертæн æмæ амалхъом адæмæн. Проектыл кусгæйæ, специалисттæ бабæрæг кодтой Горæтгæрон районы хохаг хъæутæ. Цы хатдзæгтæ скодтой, уый тыххæй радзурдзæн Моргуаты Ладæ.
Ламардоны ацы фермæ æрдæгарæзтæй лæууы 2007-æм азæй. Йæ райрæзтмæ Дзуццаты Хетæг бахаста йæхи фæрæзтæ, стæй ма райста кредит. Фæлæ не сфаг сты. Банк йын æхца нал радта. Ныртæккæ фермермæ ис цалдæр стурвосы, фæлæ йæ фæнды æхсыры фермæ саразын, уымæн та йæ хъæуы 100 хъуджы.
Фермæ куы райрæзид, уæд æфтиаг хæссид канд йæ хицауæн нæ, фæлæ Ламардонæн æмæ Дæргъæвсы комæн дæр.
Фермеры фарс рахæцынæн фадат ис. Дæтгæ та йæ кæны агропромышленнон комплексы райрæзты фæдыл республикон проект. Æххуысы мадзæлттæ сæрмагондæй арзæт сты хъæууон хæдзарады продукци хæххон уавæрты чи уатдзæн, уыдонæн.
Хæххон территориты райрæзты программæ хауы социалон-экономикон нысаниуæг кæмæн ис, уыдонмæ. Æмæ йæ нысан у хохы цæргæ адæмæн æххуыс кæнын
