Уæвгæ, районы æрмæст ацы рæвдауæндон нæ уæрæхдæр кæнынц
Хæзныдоны рæвдауæндоны арæзт цæуы уæлæмхасæн бæстыхай. Уæвгæ, районы æрмæст ацы рæвдауæндон нæ уæрæхдæр кæнынц. Ацы ногдзинæдтæ æххæстгонд цæуынц федералон программæ «Ахуырады райрæзт»-ы фæлгæты. Арæзтадон куыстытæ цæуынц Сечеры дæр. Дыууæ рæвдауæндонæн иумæ дихгонд æрцыди 70 милуан сомы. Куыстытæ кæронмæ фæуын нысан кæнынц афæдзы кæронмæ. Бæлвырддæр Гутъиаты Алинæ.
Бæстыхай дзуапп дæтдзæнис æппæт нырыккон домæнтæн — зæгъынц районы ахуырады управленийы. Куыстытæ аразынц, куыд æмбæлы, афтæ. Сæйраг хъуыддæгтæ уал кæронмæ æрхæццæ сты, тагъд райдайдзысты дурамайæн куыстытæ. Аивгæнæн куыстытæ та фæуыдзысты, цалынмæ уазæлттæ нæ райдыдтой, уæдмæ.
Проектмæ гæсгæ, ног арæзтады уыдзæнис 55 бынаты. Бафтдзæн ма сæм хæрз чысыл сабитæн къорд дæр. Уыцы æнтыстдзинæдтæ сæ къухы бафтыдысты ахуырады райрæзты федералон нысанон программæйы фæрцы.Сывæллæтты раздæры рæвдауæндон уыдис зæронд совхозы бæстыхайы. Сарæзтой йæ фæндзай азы размæ. Уыцы бæстыхайы сывæллæттæн æппындæр ницы уавæртæ уыдис. Уæдæ коммуникацитæ дæр æнусы æрдæгмæ бынтон ныззаууат сты.
Ацы рæвдауæндонæй уæлдай ма бындурон рацараздзысты Ног Урухы рæвдауæндон дæр. Уыцы нысантæн федералон бюджетæй радих кодтой æвдай милуан сомы.
