филиал вгтрк государственная телерадиовещательная компания “Алания”

Республикæйы промышленносты æмæ транспорты министр Хайдарбек Бутов бабæрæг кодта Дзæуджыхъæуы адæмон æрмдæсныйады центр. Уæ зæрдыл уын æй лæууын кæнæм организаци байгом кодтой фарон. Сфæлдыстадон фæзы фæнд кæнынц ахуырдон лекцитæ кæнын, уыимæ дæсныйадæвдисæг ахуыртæ, алыхуызон конференцитæ, сфæлдыстадон изæртæ. Историктæ, нывгæнджытæ,  бæстæзонынады къабазы ахуыргæндтæ фæсивæды зонгæ кæндзысты сæ фæлтæрдзинадимæ. Ам уыдзæн дæсныйады æмвæзад фæбæрзонддæр кæныны фадат дæр.  Центры уыдзæни бирæ гæнæнтæ, кусдзысты национ культурæ æмæ æгъдæуттæ парахат кæныныл. Уымæй уæлдай, адæмæн сæ бон уыдзæни сæхи къухтæй конд продукцийæ *хца бакусын дæр.