филиал вгтрк государственная телерадиовещательная компания “Алания”

13:49 пятница, 29 марта 2024
12 марта 2020, 13:03
Хоккейон клуб «Алани» хæрзæрæджы рамбылдтой Хуссар æмæ Цæгат Кавказы Федералон зылдты Кубоктæ

Ныр та сæхи цæттæ кæнынц æппæтуæрæсеон ерысты финалмæ

Уæдæ къаддæр æнтыстдзинæдтæ нæй хоккейон клуб «Алани»-мæ дæр. Кæд спортсментæ нырмæ æрыгæттыл нымад сты, уæддæр ныридæгæн сæ ном айхъуысын кодтой канд нæ республикæйы нæ, фæлæ Уæрæсейы иннæ регионты дæр. Хæрзæрæджы рамбылдтой Хуссар æмæ Цæгат Кавказы Федералон зылдты Кубоктæ. Ныр та сæхи цæттæ кæнынц æппæтуæрæсеон ерысты финалмæ. Уыдзæн апрелы Сочийы. Æвзонг уæлахиздзауты тыххæй бæстондæр радзурдзæн Фидараты Маринæ.

Ацы лæппутыл цæуы æрмæстдæр 14-15-гай азтæ. Фæлæ сæ фидарæй схонæн ис æцæг чемпионтæй. Сæ командон ныфс æмæ уæлахизтæм тырнындзинад сты, хицæн сæ чи кæны, уыцы миниуджытæ. Хоккейон командæ «Алани»-йæн ныридæгæн дæр йæ ном айхъуыст. Зæрдиагæй нын радзырдтой Хуссар æмæ Цæгат Кавказы Федералон зылдты Кубок куыд рамбылдтой, уый. Æппæлыны хуызы йæ нæ дзурынц, фæлæ куыстой, сæхиуыл нæ ауæрдгæйæ.

Æрыгон хоккеисттæм ис сæхи сусæгдзинæдтæ. Куыд нын радзырдтой, афтæмæй алы хъазты размæ дæр фæхъусынц зарджытæм. Фæлæ хуымæтæг зарджытæ не сты. Уый сын ныр у хорз традицийы хуызæн.

Дард æмæ хæстæг дистанцитыл архайын. Иунæгæй æмæ къайгай кусын. Хорз спортсмен хъуамæ уа универсал, зæгъы командæйы тренер. Уыцы хъуыдыимæ сæ цæттæ кæны сæ разамонæг. Чи зоны, æмæ уымæ гæсгæ ахæм цыбыр æмгъуыдмæ клуб йæ кары къорды бацыд хуыздæр командæты хыгъдмæ. 

Размæ сæм æнхъæлмæ кæсынц ноджы кадджындæр ерыстæ. Сæ тыхтæ æмæ спортивон цæттæдзинад равдисдзысты æппæтуæрæсеон ерысты финалы Сочийы. Арæзт æрцæудзæн апрелы. Уым ма архайдзысты 9 регионы уæлахиздзау командæтæ.

vgtrk_alania
vgtrk_alania
vgtrk_alania
vgtrk_alania