Дыууæ къуырийы дæргъы карантины æхгæд уыдзысты канд горæты скъолатæ нæ, фæлæ ма районты ахуыргæнæндæттæ дæр
Хуссар Ирыстоны скъоладзаутæн сæ каникултæ райдыдтой 21-æм октябры. Дыууæ къуырийы дæргъы карантины æхгæд уыдзысты канд горæты скъолатæ нæ, фæлæ ма районты ахуыргæнæндæттæ дæр. Афтæмæй ахуырадон процессы фыццаг æмбис æхгæд æрцæудзæн дистанцион ахуыры фæстиуджытæм гæсгæ. Бæлвырддæр хабæрттæ радзурдзæн Хуссар Ирыстоны паддазхадон телерадиокомпани «Ир»-ы уацхæссæг Плиты Янæ.
Каникултæ райдайдзысты рагацау 21 октябрæй æмæ адаргъ уыдзысты дыууæ кьуырийы. Карантины уыдзысты, канд горæты скъолатæ нæ, фæлæ ма районты ахуырадон уагдæттæ дæр. Официалон фæстиуджытæм гæсгæ фæлладуадзæн бонтæ уыдзысты 3 ноябрмæ, уый фæстæ та райдайдзысты фæззыгон каникултæ. Афтæмæй скъоладзаутæ ахуырмæ бацæудзыстæ 9 ноябрмæ ввахс. Ныры онг республикæйы, стабилон эпидемиологон уавæр кæй уыд, уымæ гæсгæ ахуырадон уагдæттæ куыстой куыд æмбæлы, афтæ. Уæрæсейы стырдæр горæтты ахуырадон уагдæттæ карантины сты ныр дыууæ кьуырийы дæргьы.
Санитарон эпидемиологон службæ ахуырадон азы райдианы æрбарвыста сæрмагонд гæххæтт алы ахуырадон уагдонмæ дæр ,цы ран дзырд цæуы æнæмæнгхъæуæг санитарон домæнтыл. Æрвылбондæр сæрмангондæй хъуамæ æфснайд цæуой хатæнтæ, ахуыргæнджытæ пайда кæной гигиенайы æрмæджытæй. Кæд ахуыргæнджытæн зын уыд маскæты уроктæ уадзын, уæддæр сæ пайда кодтой. Зындæр уыдис райдайæн кьлæсты ахуыргæнджытæн, кæцытæ бон цалдæр сахат куыстой маскæты мидæг. Фæлæ ахуыргæнджытæй бирæтæ социалон бæрн кæй æмбæрстой, уымæ гæсгæ дистанцион ахуыры хуызмæ рахызтыстæм бирæ фæстæдæр.
Уалдзæджы дистацион ахуыры хуызæй пайда кодтой æппæт республикæйы ахуырадон уагдæттæ, уымæ гæсгæ бирæ организацион фарстытæ аззадысты фæстийæ. Сезонон æмæ коронавирусы гриппæй рынчынты нымæц куы фæкъаддæр уа, уæд ахуырадон процесс фæстæмæ æрыздæхдзæн йæ раздæры бынатмæ .
Ахуырадон процессы фыццаг æмбис æхгæд æрцæудзæн дистанцион ахуыры фæстиуджытæм гæсгæ. Ацы къахдзæфтæ фыццаг рады сты,не нæниздзинадмæ здæхт æмæ сты рæстæгмæ, цæмæй сывæллæттæ хæдзары бадгæйæ дæр æвдæлон ма уой.
