Бизнес-хъæппæристы конкурс арæзт цыди 1-æгæм декабрæй фæстæмæ.
Хуыздæр бизнес-стартапты æвзонг автортæн кад кодтой центр «Мой бизнес»-ы. Бизнес-хъæппæристы конкурс арæзт цыди 1-æгæм декабрæй фæстæмæ. Архайдтой дзы æрыгон автортæ 14-æй – 17 азы онг. Конкурсы архайджытæм бахастой фæндон бизнес-пълан саразыны тыххæй, æмæ йæ царды куыд уадздзысты, уый тыххæй радзурын. Уый фæстæ бæрнон жюрийы уæнгтæ раиртæстой проекттæ, æркастысты сæ гæххæттытæм, стæй равзæрстой цымыдисагдæр хъæппæристæ. Æдæппæтæй конкурсы архайынмæ сæ курдиæттæ балæвæрдтой 124 скъоладзауы. Лауреаттæ та систы 3 проекты: робототехникæйы скъола саразын, онлайн ахуырадæн платформæтæ, æмæ профессионалон ориентацийы центр сывæллæттæн. Уæлахиздзаутæ сæ хъæппæристæ царды рауадзын куы сфæнд кæной, уæд сын баххуыс кæндзæн амалхъомдзинадæн æххуысы Фонд.
