Эфиры рацыд хуыцаубоны канал «Россия 1»-ы
Дзæуджыхъæуккаг, 12-аздзыд Хынцæгты Хетæг сси курдиатджын сывæллæтты Æппæтуæрæсеон конкурс «Синяя птица»-йы ирддæр архайджытæй иу.
Эфиры рацыд хуыцаубоны канал «Россия 1»-ы. Зындгонд теле æмæ радиоамонæг Владимир Соловьев дзы куыд загъта, афтæмæй Хетæг у æцæг нæлгоймаг, кæд æмæ йыл азтæ бирæ нæ цæуы, уæддæр. Уый жюрийы уæнгтимæ аргъ скодта не мзæххон, аив дзырды æвзонг дæсныйæн. Хетæг бакасти зындгонд æфсæддон разамонæг, Советон цæдисы дыууæ хатты хъæбатыр, легендарон Плиты Иссæйы тыххæй монолог. Æрыгон лæппу рагæй бæллыди ацы стыр сценæмæ бахауын. Жюрийы уæнгтæ – хъуыстгонд артисттæ: Денис Мацуев, Николай Цискаридзе æмæ Сергей Безруков ма Хетæгæн радтой фадат Гамлеты монолог бакæсынæн дæр. Конкурс «Синяя птица» арæзт цæуы 2015-æм азæй фæстæмæ. Архайынц дзы курдиатджын сывæллæттæ Уæрæсейы алы регионтæй. Конкурсы раздæры сезонты æвзарæн республикон къæпхæнтæ цыдысты Паддзахадон телераиокомпани «Алани»-йы. Хынцæгты Хетæг ма уарзы спорт, стæй ма амоны программæ национ телекомпани «Осетия – Ирыстон»-ы.
