Фыццаг хатт дзы байгом Уæрæсейаг-ирайнаг наукон-практикон конференци
Ирайнаг филологтæ раныхас кодтой докладтимæ Цæгат Ирыстоны паддзахадон университеты. Фыццаг хатт дзы байгом Уæрæсейаг-ирайнаг наукон-практикон конференци «От Фирдоуси до Пушкина: русский язык как средство международной коммуникации». Наукон мадзал саразыныл бацархайдта журналистикæйы факультет, Фонд «Русский мир»-ы фарсхæцтæй. Форумы программæйы сты уæрæсейаг, ирайнаг æмæ таджикаг наукон педагогон æхсæнадты минæвæртты докладтæ. Иуæй-иу наукон куыстытæ бакастысты онлайн хуызы Тегеранæй. Нысан кæнынц конференцийы æрмæджытæ электрон хуызы рауадзын. Зæгъдзыстæм ма уый дæр, æмæ ныртæккæ Цæгат Ирыстоны паддзахадон университет Иранимæ активонæй рæзын академион бастдзинæдтæ. Рæстæгæй-рæстæгмæ кæрæдзийы зонгæ кæнынц сæ фæлтæрддзинадимæ. Æртыккаг аз та царды уадзынц иумæйаг программæ «Иран нырыккон дунейы».