Цæцæны республикæйы паддзахадон драмон театры сценæйы æнтыстджынæй æвдыст æрцыд спекаткль «Ричард III»
Тæбæхсæуты Балойы номыл Ирон академион театр сси национ театрты дыккаг Æппæтуæрæсеон фестиваль «Федерация»-йы дипломант. Фестивалы программæ æххæст кæнгæйæ, Цæцæны республикæйы паддзахадон драмон театры сценæйы æнтыстджынæй æвдыст æрцыд спекаткль «Ричард III». Йæ режиссер у Уалыты Гиви. Сæйраг роль Ричарды сурæт дзы сарæзта Цæгат Ирыстоны адæмон артист Æлбегаты Алан. Спектаклы архайынц 30 актеры онг. Грознамæ дарддæр дæр цæуынц Уæрæсейы алы регионтæй сфæлдыстадон коллективтæ. Экспертон Совет ацы аз бакасти 54 спекаткльмæ, æмæ дзы равзæрстой 15. Бацæттæ сæ кодтой нæ бæстæйы 10 регионы национ театртæ. Фестивалы программæмæ ма хаст æрцыдысты дæсныйадæвдисæг ахуыртæ, сфæлдыстадон фембæлдтытæ, лабраторитæ, ахуырадон программæтæ. Фестиваль фæуыдзæн 25-æм октябры.
