Радон хатт сбæрæг кодтой, пандемияйы рæстæг горæты æхсæнадон транспорты шофыртæ æдасдзинады мадзæлттæ куыд æххæст кæнынц, уый
Иумæйаг рейд сарæзтой абон Уæрæсейы фæлхасадмæ цæстдарды цæгатирыстойнаг Управленийы специалисттæ, промышленносты æмæ транспорты министрады минæвæрттæ стæй фæндæгтыл æдасæй цæуыны паддзахадон инспекцийы кусджытæ. Радон хатт сбæрæг кодтой, пандемияйы рæстæг горæты æхсæнадон транспорты шофыртæ æдасдзинады мадзæлттæ куыд æххæст кæнынц, уый. Бæлвырддæр та сыл хъуамæ уой маскæтæ, æрмкъухтæ æмæ антисептиктæ. Уый нырма у æнæмæнг домæн. Фæткхалджытæн рафыстой æфхæрæн гæххæттытæ, фæлæ ахæм шофыртæ бирæ нæ разынд. Уæвгæ, æдасдзинады рейдтæ нæ республикæйы арæзт цæуынц рæстæгæй-рæстæгмæ.
Уæ зæрдыл уын æрлæууын кæндзыстæм, æдасдзинады фæтк Цæгат Ирыстоны Сæргълæууæджы уынаффæмæ гæсгæ конд æрцыд 10-æм июльмæ, эпидемиологон уавæр хынцгæйæ.