филиал вгтрк государственная телерадиовещательная компания “Алания”

Кировы районы, Хъахъхъæдуры аив кæнынц футболон фæз. Йæ алфамблай йын æвæрынц быру. Æппæт куыстытæ хъуамæ фæуой ацы бонты. Фæз у нырыккон домæнтæм гæсгæ арæзт. Цалынмæ дзы быру нæ уыди, уæдмæ-иу æм бацыдысты стурвос, æмæ дзы-иу, футболæй хъазыны размæ хъуыди æфснайын. Нырæй фæстæмæ та дзы ахæм хъуыддæгтæ нал уыдзæн, бырæттæй дæр уыдзæн сыгъдæг, зæгъынц фæсивæд. Уæвгæ та спортивон фæз саив кæныны фæнд дæр уыдонмæ разынд. Фæрæзтæй сын баххуыс кодта Цæгат Ирыстоны сæргълæууæг Битарты Вячеслав.