Ахуыр сæ кæнынц центр «IT-куб»-ы.
Кодтæ фыссын, роботтæ аразын æмæ чырæ бастдзинадæн уæлæмхасæн программæтæ æрхъуыды кæнын – бахæссæн ис аивады хицæн хуызмæ. Ахуыр сæ кæнынц центр «IT-куб»-ы. Уым 7 азæй 17 азы онг кæуыл цæуы, ахæм лæппутæн æмæ чызджытæн фадат ис нырыккон актуалон технологитæй пайда кæнынæн. Цæмæй хæстæгдæр рæстæг сæ бон уа фидæны дæсныйад равзарын.
Виртуалон цард æмæ алгоритмикæ. Сæрмæтæн æрæджы дæр ма ацы дзырдтæ æнæзонгæ уыдысты. Лæппуйы бæллиц у видехъæзтытæ аразын. Сæрмæтыл цæуы 13 азы. Фæлæ ныр дæр арæхстджынæй архайы модельтæ аразыны бындурон кусæнгæрзтæй.
Чырæ телефонты уæлæмхасæн программæтæ аразын, системон администрацитыл кусын, стæй программæтæ аразын æнцон дисциплинæтæ не сты. Бирæтæ сыл кусын райдайынц университеты. Кæй зæгъын æй хъæуы, кæстæр кълæсты ахуырдзаутæн ахæм зонындзинæдтæ исын зын у. Фæлæ сæ ахуыргæнджыты ныхæстæм гæсгæ, сæйрагдæр у процессмæ хъæлдзæгдзинад æфтауын, æмæ рæзгæ фæлтæрмæ цымыдисдзинад гуырын кæнын.
Хъæлдзæгдзинады æууæлтæ фылдæр фæзынынц робототехникæйы. Ныртæккæ ай-ти кубы хъомылгæнинæгтæ зонгæ кæнынц хуымæтæг механизмтимæ. Фæлæ хæстæгдæр рæстæг сæ бон уыдзæн егъау аппаратты бæлвырддзинæдтæ базонын дæр.
Æмтгæй райсгæйæ ацы аз АЙТИ-КУБЫ ахуыр кæндзысты 400 адæймаджы. Ахуыргæнæндоны сæйраг нысан – лæппуты æмæ чызджыты бацæттæ кæнын фидæны куыстмæ. Уымæн та йæ ахсджиаг хай баст уыдзæн информацион технологитимæ æмгуыстадимæ.
Афæдзы куысты фæстæ алы дисциплинæты ахуырдзаутæн сæ бон уыдзæн зындæр, æмæ уыимæ цымыдисагдæр æмвæзадмæ схизынæн. Ай-Ти куб йæхæдæг та фидæны кæндзæн уæрæхдæр. Фæхъæздыгдæр уыдзæн алыхуызон ног лабораторитæй. Дæнцæгæн уал дзы фæзындзæн вебдизайн.
