Интеллектуалон ерыстæ цæуынц æртыккаг аз
Конкурс «Большие вызовы»-йы архайджытæ сæ куыстытæ бахъахъхъæдтой «Кванториум»-ы. Интеллектуалон ерыстæ цæуынц æртыккаг аз. Ирыстон дзы архайы фыццаг хатт. Фæсивæд кусынц, ныртæккæ Уæрæсейы размæ чи лæууы, ахæм технологон фарстатыл. Ам ахсджиагдæр у практикæ. Республикæйы фæсивæдæн фадат уыди цалдæр къæпхæны архайынæн. Се хсæн – «Æнæпилотон транспорт, логикон системæ», «Æрхъуыдыгонд зондахаст, финансон технологитæ», «Агрототехникон æмæ био-технологитæ», «Зондджын горæт» æмæ «Æдасдзинад». Регионалон къæпхæны архайынмæ курдиæттæ балæвæрдтой 27 адæймаджы. Финалмæ дзы рацыдысты 13-æй. Презентацитæй уæлдай ма фæсивæд дзуæппытæ лæвæрдтой экспертты фæрстытæн. Ацы къæпхæн чи ацæуа, уыдон бахаудзысты кæронбæттæнмæ. Сæйраг призы аккаг чи суа, уымæн уыдзæни æртæ бонмæ Сочимæ ацæуыны бар. Уæлахиздзаутæ уым архайдзысты ахуырадон центр «Сириус»-ы.
