Нæ бæстæ ныртæккæ йæхи цæттæ кæны сæйраг документ – Конституцимæ ивддзинæдтæ бахæссынмæ. Уыдонæй иу баст уыдзæн æрдз æмæ цæрæгойтæ бахъахъхъæныимæ. Закъоны æмвæзадыл цы хуызы хъахъхъæд цæудзæн æрдзы.
Цæгат Кавказы фæдзæхст бынаты кусджытæ Константин Попов æмæ Павел Вейнберг цæрæнбонты иртасынц æрдзы сконд. Сæ дæсныйады ацыдысты мингай километртæ, ныффыстой дæсгай чингуытæ. Ирыстонæн раргом кодтой йæ бирæ сусæгдзинæдтæ.
Цæгат Кавказы фæдзæхст бынатæн ис стыр нысаниуæг. Райдай сыфтæрджын хъæдтæй æмæ фæуы цъитиджын хæхтæй. Ам ис, мит æппындæр кæм нæ тайы, ахæм бынæттæ. Æмæ сæ цæстыгагуыйау хъахъхъæнынц 52 азы. Йæ фæзуат та чысыл нæу 100 мин гектары.
Ацы ран сæхи хорз æнкъарынц сырдтæ, хъæды цæрæгойтæ, стæй æрæджы программæмæ гæсгæ цы хъæддаг галтæ баластой уыдон дæр. 10 азы фæстæ сæ нымæц хъæудзæн кадавар кæнын, зæгъынц специалисттæ.
Ацы аз 21 январы нæ бæстæйы Президент Владимир Путин Паддзахадон Думæйы размæ рахаста фæндон, цæмæй Конституцимæ хаст æрцæуой ивддзинæдтæ. Хаудзысты æрдз хъахъхъæныны закъонмæ дæр.
Специалистты хъуыдымæ гæсгæ ивддзинæдтæ тынг фæбæрæг уыдзысты æрдз хъахъхъæныны фарстатыл.
Æрдзы бирæвæрсыгдзинад бахъахъхъæнын æмæ æхсæнады æргом цæрæгойтæм раздахын – у конституцийы ивддзинæдты иу хай. Ацы фарстайыл ныртæккæ кусынц Цæгат Кавказы фæдзæхст бынаты специалисттæ. Уыимæ сæ ахизын хъæуы цавæрдæр домæнты сæрты. Конституцимæ цы ивддзинæдтæ бахæсдзысты, уыдоны фæрцы хъахъхъæд æрцæудзысты, æрдзы стæм чи сты, æмæ фесæфынæй тæссаг кæмæн у, уыцы хуызтæ.
