Хæлардзинады уроктæ æххæст кæнгæйæ, Дзæуджыхъæуы дзуттаг культурон центр «Шолом»-ы 27-æм январы онг скъоладзаутæн кæсдзысты лекцитæ, æмæ сын араздзысты экскурситæ
Концлагерь «Освенцим» суæгъд кæныны 75 азы бонмæ Цæгат Ирыстоны цæуы Холокосты амæттæгты номарæн къуыри. Хæлардзинады уроктæ æххæст кæнгæйæ, Дзæуджыхъæуы дзуттаг культурон центр «Шолом»-ы 27-æм январы онг скъоладзаутæн кæсдзысты лекцитæ, æмæ сын араздзысты экскурситæ. Абон лæппутæ æмæ чызджытæ, минут æдзæмæй алæугæйæ, æрымысыдысты уыцы уæззау фыдбылызы чи бахауд, уыдоны. Æрвылазон традицитмæ гæсгæ, дидинджытæ сæвæрдтой номарæн дурыл æмæ хъыггæнæн монументыл. Холокосты амæттæгты æппæтадæмон бон Иугонд нациты организаци снысан кодта 2005-æм азы. Концлагерь «Освенцим» советон æфсæдтæ суæгъд кодтой 27-æм январы 1945-æм азы.