Ковид кæмæ ис, уыдоны исынц Æрыдоны районы рынчындоны дæр.
Коронавирусæй рынчынты ныртæккæ фылдæр ис Тагъд æххуысы клиникон рынчындоны. Æрвылбондæр райсынц 60-йæ 100 адæймаджы онг. Ковид кæмæ ис, уыдоны исынц Æрыдоны районы рынчындоны дæр. Компьютерон томографи кæнынц æртæ медицинон куыстуаты – тагъд æххуысы клиникон рынчындоны, Æрыдоны рынчындоны æмæ онкодиспансеры.
Фæлхасадмæ цæстдарды управленийы минæвар куыд загъта, афтæмæй æрвылбон цæуы ахуыргæнæндæтты мониторинг, низæй бахизыны тыххæй. Ахуыргæнæг, кæнæ ахуырдзау куы фæрынчын уа, уæд æнæхъæн кълас дæр дыууæ къуыримæ ацæудзæн дардмæ ахуырадмæ. Æнæниздзинадхъахъхъæнынады министр куыд загъта, афтæмæй республикæйы бакуыстой сæрмагонд мадзæлттыл, коронавирус ма парахат кæнынæн. Уый, маскæты режим, бирæ адæм кæм æмбырд кæнынц, ахæм рæтты хи дарыны æгъдæуттæ, стæй æхсæнадон транспортæй пайда кæныны фæтк.
