филиал вгтрк государственная телерадиовещательная компания “Алания”

02:10 четверг, 29 октября 2020
19 августа 2020, 14:11
45
Курчатовы номыл наукон центры æмæ Цæгат Ирыстоны паддзхадон университкеты ахуыргæндтæ царды уадзынц егъау проект биотехнологийы къабазы

Курчатовы номыл наукон центры æмæ Цæгат Ирыстоны паддзхадон университкеты ахуыргæндтæ царды уадзынц егъау проект биотехнологийы къабазы. Специалисттæ ссыдысты нæ республикæмæ, цæмæй абалц кæной иумæйаг наукон экспедицимæ. Ахуыргæндтæ Цæгат Ирыстоны территорийы райсдзысты микробты дæнцæгтæ, цæмæй феной цас биотехнологон хъомыс дзы ис, уый. Экспедици цæудзæн 30-æм  августмæ.

Зæгъын хъæуы уый дæр, æмæ ахæм дунейыл хъуыстгонд центр Ирыстоны уæлдæр ахуыргæнæндонимæ фыццаг хатт аразы наукон-иртасæн куыст. Быдырон иртæстытæ арæзт цæудзысты, зианхæссæг хауæццæгтæ кæм æмбырд кодтой, уыцы зонæты. Сæйраг нысан – бæстон æмæ лæмбынæг куыст бакæнын лыстæг микроорганизмтæ сбæрæг кæныны тыххæй. Ахæм иртæстыты фæрцы аразгæ у нæ бæстæйы наукон-технологон рæзт. Центр йæхæдæг арæзт æрцыд национ проект «Наукæ» æххæст кæнгæйæ.

Программæ царды уадзын фадат ратдзæн наукон-технологон иртæстытæ медицинæйы, хъæууон хæдзæрады æмæ биотехнологон промышленносты кæнынæн. Генетикон технологиты фæрцы та бакусдзысты зайæгойты æмæ цæрæгойты иртæстытыл. Æмæ уый фæбæрæг уыдзæн экономикæйы къабазыл. Ныртæккæ Курчатовы центры ахуыргæндтæ æххæст кæнынц егъау проект генетикон паспортизацийы къабазы. Уый фæрцы нысан кæнынц 5000 микроорганизмы хуызтæй фылдæр раиртасын. Уый биотехнологн къабазæн у тынг ахсджиаг.

Ошибка в тексте? Выделите её и нажмите «Ctrl + Enter»

Сообщить об опечатке

Текст, который будет отправлен нашим редакторам: