филиал вгтрк государственная телерадиовещательная компания “Алания”

22:28 вторник, 25 февраля 2020
23 января 2020, 17:50
17
Куыстуат «Заря Осети» — йы бындурыл тагъд рæстæг байгом уыдзæнис, йæ фæзуат дыууæ мин квадратон метры кæмæн у, ахæм цех

Куыстуат «Заря Осети» — йы бындурыл тагъд рæстæг байгом уыдзæнис, йæ фæзуат дыууæ мин квадратон метры кæмæн у, ахæм цех — хъусын кæны промышленносты æмæ транспорты министрады пресс-службæ. Æрæджы куыстуат бабæрæг кодта ведомствойы разамонæг Хайдарбек Бутов. Уый разыйæ баззад заводæй, æмæ куыд бафиппайдта, афтæмæй регионмæ инвестицитæ здахыны куыстæн ис хорз бæрæггæнæнтæ. Сæ иу у завод «Заря Осетии». Уæ зæрдыл уын æрлæууын кæндзыстæм — 2019-æм азы самарæйаг завод «Луч» нæ республикæйы равдыста инвестицион проект «Заря Осетии». Царды йæ рауагътой фарон июны. Æхсæз мæймæ куыстуаты продукци сарæзтой фæндзай милуан сомæн. Заводы ныртæккæ кусынц фæндзай адæймаджы, республикæйы бюджетмæ та æнæкъуылымпыйæ цæуынц фиддонтæ. Бафиппаинаг у уый дæр, æмæ «Заря Осетии» у, Цæгат Кавказы профессионалон энергифæстауæрцгæнæг продукци чи аразы, ахæм иунæг куыстуат. Йæ продукци та у дыууæ мин хуызæй фылдæр. Тагъд рæстæг куыстуаты бындурыл райдайдзысты аразын, зынгхуыссынгæнæн ифтонггарз.

Ошибка в тексте? Выделите её и нажмите «Ctrl + Enter»

Сообщить об опечатке

Текст, который будет отправлен нашим редакторам: