Æппæт адæмон конкурсмæ сывæллæттæ бацæттæ кодтой 5 номыры, уыдонæй 3 райстой фыццаг бынæттæ
«Мæскуы æууæнды курдиатыл» – ахæм сæргондимæ фестивалы нæ республикæйы сывæллæтты музыкалон театр «Премьерæ» рамбылдта Гран-При. Æппæт адæмон конкурсмæ сывæллæттæ бацæттæ кодтой 5 номыры, уыдонæй 3 райстой фыццаг бынæттæ.
Чысыл спектакль «О главном». Адæймаджы хъысмæт, цард æмæ æнкъарæнты тыххæй 3 монолоджы. Актерты архайд, куыд профессионалон театры, афтæ. Æмæ сценæмæ куы нæ кæсай, уæд адæймаджы уырнгæ дæр нæ бакæндзæн, артисттæй бирæтыл 14 азы дæр кæй нæ цæуы, уый.
Ацы спектакль сывæллæтты музыкалон театр «Премьера»-йæн баххуыс ис Мæскуыйы æппæтадæмон конкурсы хуыздæр суæвынæн.
Алы кафты дæр гыццыл истори. Алы фæзылды экспозици, райрæзт æмæ кульминаци.
Театр «Премьера» фыццаг бынат бацахста, æппæты фылдæр номинацитæ цы конкурсы уыди, уым. Æмæ сси гран-прийы аккаг. Фæсивæд нымад æрцыдысты хуыздæртыл. Уыимæ, фæсарæйнаг артистты хсæн дæр. Мæскуыйы уæлахиз у стыр æнтыстдзинад. Фæлæ тыхтæм хъæуы ноджы тынгдæр æфтауын. Разæй сæм æнхъæлмæ кæсы стыр концерт. Уымæ гæсгæ, курдиат æмæ арæхстдзинад ныффидар кæнын хъæуы хæдзары.
