3-аг бынат дзы райста 11-аздзыд Агкацаты Альберт
Мæскуыйы фæци, шахмæттæй æппæтдунеон кубок рамбулыны турнир. Ерыстæ арæзт цæуынц 16-æм хатт Уæрæсейы паддзахадон социалон университеты. Архайдта дзы 2 мин шахматистæй фылдæр, æппæт Уæрæсейæ æмæ сыхаг бæстæтæй. Цæгат Ирыстонæй дзы уыди 7 спортсмены. 3-аг бынат дзы райста 11-аздзыд Агкацаты Альберт. 10-аздзыд Баситы Георгий та, хаст æрцыд 15 хуыздæр шахматисты номхыгъдмæ. Фæбæрæг ма кæндзыстæм уый, æмæ ацы категорийы кæй архайдта 170 спортсмены. Агкацаты Альберт шахматтæй хъазы дыууæ азмæ хæстæг, фæлæ йын уыцы рæстæгмæ бантыст алыхуызон æмвæзады ерысты архайын. Æвзонг шахматист у фыццаг стæй, ныридæгæн, иунæг архайæг Европæйы ерысты шахмæттæй. Республикæйы иугонд командæйы тренер та у Агкацаты Марат. Агкацаты Альберт Ирыстоны кад хъахъхъæндзæн Уæрæсейы ерысты шахмæттæй Сочийы.
