Хæлардзинады Хæдзары минæвæрттæ радзырдтой, цы куыст бакодтой, стæй сæм ацы азмæ цы нысантæ ис, уый тыххæй
Мæздæджы арæзт æрцыд, Цæгат Ирыстоны нациты хсæн ахастдзинæдты фарстаты фæдыл министр Цуциты Асланы æмæ районы национ-культурон æхсæнадты разамонджыты фембæлд. Хæлардзинады Хæдзары минæвæрттæ радзырдтой, цы куыст бакодтой, стæй сæм ацы азмæ цы нысантæ ис, уый тыххæй. Æхсæнадон кусджытæ загътой сæ хъуыдытæ, сæ куыст куыд фæахадгæдæр кæнæн ис, уый фæдыл. Бæлвырддæр та национ-культурон æхсæнадты æмæ Министрады æмархайды тыххæй. Стыр æргом аздæхтой æндæр ахсджиаг фарстатæм — материалон, барадон æмæ транспортон æххуыс æхсæнадон организацитæн. Уæдæ æрдзырдтой, министрадмæ комкоммæ чи нæ хауы, ахæм хъуыддгтыл дæр. Зæгъæм, районы национ скъолатæ мадæлон æвзаджы ахуыргæнæн чингуытæй ифтонг кæныныл. Национ-культурон æхсæнад «Русь» -ы активон архайджытæ та бахастой хъæппæрис, Мæздæджы радон фæсивæдон славайнаг форум саразыны тыххæй
