филиал вгтрк государственная телерадиовещательная компания “Алания”

02:01 пятница, 29 марта 2024
12 февраля 2020, 18:18
Мæздæджы дзюдойы сывæллæтты спортивон скъола сбæрæг кодта йæ 35 азы юбилей

Районы культурæйы галуаны сæмбырд сты æвзонг спортсментæ, сæ ныййарджытæ æмæ сæ тренертæ

Мæздæджы дзюдойы сывæллæтты спортивон скъола сбæрæг кодта йæ 35 азы юбилей. Районы культурæйы галуаны сæмбырд сты æвзонг спортсментæ, сæ ныййарджытæ æмæ сæ тренертæ. Юбиляртæн раарфæ кæнынмæ æрбацыдысты дзюдойы клубы бындурæвæрæг Геннадий Кононенко æмæ Мæздæджы администрацийы сæргълæууæджы хæдивæг Георгий Адамов. Зæгъын хъæуы уый, æмæ ацы адæм æмæ иузæрдион командæйы хъæппæрисæй бындур æвæрд æрцыди клуб «Самбо-дзюдо 85»-æн. Фæстæдæр та сси сывæллæтты спортивон скъола. Абон скъолайы æрмæст дзюдоисттæ нæ архайынц. Æнтыстджынæй дзы кусы аивадон гимнастикæйы къорд «Аланочка» дæр, йæ разамонæг Елена Чухлебова, афтæмæй. 35 азмæ ацы скъолайы схъомыл бирæ спорты мастертæ æмæ кандидаттæ. Сæ спортивон цæттæдзинады æмæ сæ юбилейы фæдыл æвзонг спортсментæн радтой дипломтæ æмæ зынаргъ лæвæрттæ. Фæсивæд равдыстой сæ арæхстдзинад æмæ сæ хуыздæр номертæ. Юбилярты зæрдæтæ бахъæлдзæг кодтой районы сфæлдыстадон къордтæ.

vgtrk_alania
vgtrk_alania
vgtrk_alania
vgtrk_alania