Жюрийы размæ рахастой национ-культурон æхсæнадты æмæ районы сфæлдыстадон къордты цардæвдисæг куыстытæ.
Мæздæджы Хæлардзинады Хæдзары бахыгътой хуызистыты конкурс «В объективе Дружба народов»-ы хатдзæгтæ. Жюрийы размæ рахастой национ-культурон æхсæнадты æмæ районы сфæлдыстадон къордты цардæвдисæг куыстытæ. Стыр æргом дзы здæхт æрцыди фæсивæды патриотон хъомыладмæ, бирæ хуызистытæ дзы уыдысты ацы темæимæ баст. Конкурсы архайдтой куыд сывæллæттæ, афтæ хистæртæ дæр. Бирæтæ та дзы æрбацыдысты æнæхъæн бинонтæй. Æппæты активондæртæ разындысты Мæздæджы скъола-интернаты æмæ 3-æм скъолайы хъомылгæнинæгтæ. Хуыздæр куыстыты автортæ хорзæхгонд æрцыдысты зæрдылдарæн лæвæрттæй æмæ кады гæххæттытæй. Рæзгæ фæлтæр хистæртæн радзырдтой цы фæндтæ æмæ сæм цы бæллицтæ ис, уыдоны тыххæй. Сæ хъуыдытæ радзырдтой адæмты хсæн хæлардзинад куыд æмбарынц, æмæ сæ миддунейы цы бынат ахсы, уый. Мадзалы кæронбæттæны уазджытæ æмæ фысымтæ бацымдтой цай, стæй сывæллæттæн скодтой хъазты хуызы программæ.
