Архайдтой дзы Уæрæсейы Хуссар фарсы 6 регионæй 30 командæйы. Гимнасткæты æхсæн куыд спорты мастертæ, афтæ ацы спорты хуызы фыццаг къахдзæфтæ чи кæны, уыдон дæр.
Мæздæджы районы фыццаг хатт арæзт уыдысты ерыстæ эстетикон гимнастикæйæ. Архайдтой дзы Уæрæсейы Хуссар фарсы 6 регионæй 30 командæйы. Гимнасткæты æхсæн куыд спорты мастертæ, афтæ ацы спорты хуызы фыццаг къахдзæфтæ чи кæны, уыдон дæр. Чи дзы цæмæй хицæн кодта, æмæ кæй банымадтой хуыздæр командæйыл, уый тыххæй радзурдзæн Сосранты Жаннæ
Аивдзинад, уæнгрог æмæ уыцы иу æмхуызон – Сочийы гимнасткæтæ цæттæ кæнынц сæ ног кафт. Ацы хатт чызджытæ аивадуарзджыты зæрдæтæм фæндаг ссардзысты сомихаг адæмон кафты фæрцы.
Уæрæсейы Хуссары 6 регионæй, 30 командæйы архайынц Мæздæджы эстетикон гимнастикæйæ цы турнир цæуы уым. Ацы спорты хуыз Цæгат Ирыстоны райрæзын кæныныл архайынц Александр æмæ Еленæ Чухлебовы. Уыдон æхсызгонæй сæмбæлдысты алы регионтæй минæвæрттыл.
Дыууæ боны дæргъы ерыстæ цыдысты алы кары спортсменты æхсæн. Се хсæн куыд спорты мастертæ, афтæ хæрз æвзонг чызджытæ.
Кафты æвзаг, алы змæлды рæсугъдзинад æвдыст цæуы сæрмагонд аив уæлæдарæсы фæрцы. Æддаг бакаст, дзыккуыты баст, уæлæдарæс – алцы дæр тæмæнтæ калы
Ерысдзауты æмæ сæ ныййарджытæн кадджын мадзалы æгасцæуай загътой Мæздæджы районы разамынд, стæй эстетикон гимнастикæйы Федерацийы кусджытæ. Гауызмæ фыццаг рацыдысты æвзонг гимнасткæтæ, бирæтæн у сæ фыццаг фæлварæн
Ерыстæ цыдысты 2 боны, гом ерысты раззагдæрты æхсæн уыдысты Мæздæджы командæйы уæнгæт. Регионты хсæн турниры та фыццаг бынат бацахта Ростовы команæдæ
