Фосдарынады къабазы рæзтыл кусдзысты дыууæ хуызмæ гæсгæ – дзидзайы æмæ æхсыры куыстгæнæг
Мæздæджы районы «Хъæууон хæдзарадæн æххуысы» гранттæ дæттыны программæмæ гæсгæ, фæфылдæр стурвосы нымæц. Фосдарынады къабазы рæзтыл кусдзысты дыууæ хуызмæ гæсгæ – дзидзайы æмæ æхсыры куыстгæнæг. Ныртæккæ фосы нымæц фæфылдæр 3 фермæйы. Зæгъæм, Веселæйы хъæумæ Стъараполы крайæ æрбаластой, дзидзайæн кæй дардзысты, ахæм 12 стуры. Калининскийы поселочы æмæ Комаровойы хъæуы та дардзысты, бирæ хсыр чи дæтты, ахæм хъуццытæ. Зæронд Бæтæхъойы та мæздæджы районмæ баластой 120 сæры. Субсидитæн сын радих кодтой 15 милуан сомы. 5 азы дæргъы фермертæ дзуапп дæтдзысты сæ архайдæн. Программæйы сæйраг домæн – стурвосы æмæ продукцийы рауагъдад фæфылдæр кæнын. Февралы райдайдзæн ног къæпхæн. Хъæууон хæдзарады управленийы куыд фехъусын кодтой, афтæмæй ныридæгæн 14 фермеры балæвæрдтой курдиат, субсидитæ райсыны тыххæй.