Спортсментæ уыдысты Грецийы, стæй систы Польшæйы европæйаг турниры арахайджыты æвзонг спортсменты хсæн
Мæздæджы районы кадджын уавæры схорзæхджын кодтой æппæтадæмон 2 турниры уæлахиздзауты. Бынæттон скъола «Дзюдо»-йы хъомылгæнинæгтæ рамбылдтой сызгъæрин, æвзист æмæ бронзæ майдантæ. Спортсментæ уыдысты Грецийы, стæй систы Польшæйы европæйаг турниры арахайджыты æвзонг спортсменты хсæн. 12 чемпионы æмæ 16 призеры бахъахъхъæдтой Ирыстоны кад. Сæ уæлахизты тыххæй сын раарфæ кодта районы сæргълæууæг Олег Яровой, республикæйы парламенты депутат Быценты Станислав, Мæздæджы бынæттон администрацийы минæвæрттæ æмæ æнæхъом сывæллæтты хъуыддæгты фæдыл районы пъæлицæйы дæлхайад. Скъола «Дзюдо»-ы разамонæг æмæ тренер Александр Швецов фæнысан кодта æвзонг мæздæггæгты тырнындзинад уæлахизмæ, уыимæ канд лæппуты нæ, фæлæ чызджыты дæр. Мæздæджы спортивон скъоламæ цæуы 400 сывæллоны, сæ кармæ гæсгæ дих кæнынц 3 къордыл. Ныртæккæ тренировкæтæ кæнынц физкультурон-дзæбæхгæнæн комплекс «Чемпион»-ы, ног спортивон скъола та арæзт цæуы станицæ Луковскæйы. Мадзалмæ æрбацæуджытæ аныхас кодтой чемпионтимæ æмæ систой иумæйаг къам.
