филиал вгтрк государственная телерадиовещательная компания “Алания”

16:35 четверг, 28 марта 2024
14 июня 2019, 17:10
Мæздæджы районы поликлиникæйы байгом кодтой ног корпус

Фадат дзы уыдзæн иу сменæмæ 850 рынчынæн æркаст скæнынæн. Фыццаг дыууæ корпусы эксплуатацийы радтой 2010-æм азы.

Мæздæджы районы поликлиникæйы байгом кодтой ног корпус. Фадат дзы уыдзæн иу сменæмæ 850 рынчынæн æркаст скæнынæн. Фыццаг дыууæ корпусы эксплуатацийы радтой 2010-æм азы. Æртыккаг бæстыхайы арæзтад æрлæууыд, фæрæзтæ йын кæй нæ уыди, уый аххосæй. Фарста алыг кæнын бантыст федералон центры æххуысæй. Нырæй фæстæмæ медицинон куыстуат кæндзæн дзæбæхгæнæн æмæ реабилитацион мадзæлтты егъау комплекс. Уымæ гæсгæ бынæттон цæрджытæн районæй æндæр рæттæм цæуын нал хъæудзæн.
Ацы цаумæ æнхъæлмæ кастысты 9 азы. Мæздæджы поликлиникæйы ма байгом кодтой ноджыдæр иу корпус. Фадат дзы уыдзæн иу сменæмæ 850 рынчынæн æркаст скæнынæн. Фыццаг дыууæ корпусы эксплуатацийы радтой 2010-æм азы. Æртыккаг бæстыхайы арæзтад æрлæууыд, фæрæзтæ йын кæй нæ уыди, уый аххосæй. Фарста алыг кæнын бантыст федералон центры æххуысы фæрцы. Нырæй фæстæмæ медицинон куыстуат кæндзæн дзæбæхгæнæн æмæ реабилитацион мадзæлтты егъау комплекс. Уымæ гæсгæ бынæттон цæрджытæн районæй æндæр рæттæм цæуын нал хъæудзæн. Ног корпусы ис сывæллæтты æмæ сылгоймæгты хайæдтæ, реабилитацийы центр æмæ участоктæм гæсгæ кусæг службæ. Кадджын æмбырдмæ хуынд æрцыд Цæгат Ирыстоны сæргълæууæг Битарты Вячеслав.
Республикæй разамонæг бæстон æркасти алы бæстыхаймæ дæр. Æппæт 4 уæладзыджы дæр æвæрд æрцыд тæккæ нырыккондæр кусæнгæрзтæ.
Сылгоймæгты консультацийы сæвæрдтой нырыккон УЗИ-аппарат. Йæ куысты тыххæй хорз зонынц дохтыртæ, ныридæгæн ацыдысты сæрмагонд ахуыртæ.
Æмтгæй райсгæйæ, Битарты Вячеслав куыстытæй баззад разыйæ. Æрхаста ма сæм чысыл фиппаинæгтæ. Фæлæ уыдоныл бакусынæй зæрдæ бавæрдтой къуырийы мгъуыдмæ. Контрактмæ гæсгæ подрядон организаци бæстыхайæн лæггад кæндзæн цалдæр азы.
Хæстæгдæр рæстæг скусдзæн санавиаци дæр. Æнæниздзинадхъахъхъæнынады министрады хъуыддагмæ кæсынц бæстон.
Ног корпусы – ног кусæнгæрзтæ. Зæгъæм, офтальмологийы кабинеты фæзынд ног лазерон æмæ магнитон аппараттæ. Уымæй дарддæр ма цæстытæн сæрмагонд электрон кусæнгарз. Дзæбæхгæнæн-физкультурон кабинеты та æнхъæлмæ кæсынц чысыл пациенттæм. Сæвæрдтой дзы велотренажертæ, батут, дугъы уайæнтæ æмæ мини-штангæ. Иу ныхасæй – алцыдæр, цæмæй рæзгæ фæлтæр сæхи æнæниз кæной, уый тыххæй.

vgtrk_alania
vgtrk_alania
vgtrk_alania
vgtrk_alania