18 ноября 2020, 13:25
Мæздæджы районы сарæзтой ерыстæ лазертагæй
Йæ аразджыты хъуыдымæ гæсгæ ацы хъазтæн æфсæддон-патриотон хъуыддаджы ис стыр ахадындзинад
Уæлахизы 75 азы кадæн Мæздæджы районы сарæзтой ерыстæ лазертагæй. Йæ аразджыты хъуыдымæ гæсгæ ацы хъазтæн æфсæддон-патриотон хъуыддаджы ис стыр ахадындзинад. Банымайæн æй ис ног фæлтæры ирхæфсæн фæрæзыл. Йæ архайджытæ нæмгуытæй не хсынц, фæлæ рухсы тынтæй. Æмæ дзы цæмæй фæуæлахиз уай, уый тыххæй хъæуы арæхстдзинад, спортивон цæттæдзинад æмæ цæрдæг уæвын, уыцы миниуджытæ та къухы фтынц тренировкæты руаджы. Турнир рамбулынæн та командæйы уæнгтæ хъуамæ уой æмдых. Ерысты хатдзæгтæм хуыздæр командæтæ райстой лæвæрттæ.